శ్రీరుద్రద్వాదశనామస్తోత్రం (Rudra Dwadasanaama Strotram Telugu) GURUJI

శివం శివకరం శాంతం
శివాత్మానం శివోత్తమం
శివమార్గ ప్రణేతారం
ప్రణతోస్మి సదాశివం
  

===========================================================

శ్రీరుద్రద్వాదశనామస్తోత్రం

ప్రథమం తు మహాదేవం ద్వితీయం తు మహేశ్వరం |
తృతీయం శంకరం ప్రోక్తం చతుర్థం వృషభధ్వజం || 1 ||
 
పంచమం కృత్తివాసం చ షష్ఠం కామాంగనాశనం |
సప్తమం దేవదేవేశం శ్రీకంఠం చాష్టమం తథా || 2 ||
 
నవమం తు హరం దేవం దశమం పార్వతీపతిం |
రుద్రమేకాదశం ప్రోక్తం ద్వాదశం శివముచ్యతే || 3 ||
 
ఏతద్వాదశనామాని త్రిసంధ్యం యః పఠేన్నరః |
గోఘ్నశ్చైవ కృతఘ్నశ్చ భ్రూణహా గురుతల్పగః || 4 ||
 
స్త్రీబాలఘాతకశ్చైవ సురాపో వృషలీపతిః |
సర్వం నాశయతే పాపం శివలోకం స గచ్ఛతి || 5 ||
 
శుద్ధస్ఫటికసంకాశం త్రినేత్రం చంద్రశేఖరం |
ఇందుమండలమధ్యస్థం వందే దేవం సదాశివం || 6 ||
 
|| ఇతి శ్రీరుద్రద్వాదశనామస్తోత్రం సమాప్తం ||