శివషడక్షర స్తోత్రమ్
ఓంకారం బిన్దుసంయుక్తం నిత్యం ధ్యాయన్తి యోగినః | కామదం మోక్షదం చైవ ఓంకారాయ నమో నమః ||1||
నమన్తి ఋషయో దేవా నమన్త్యప్సరసాం గణాః | నరా నమన్తి దేవేశం నకారాయ నమో నమః ||2||
మహాదేవం మహాత్మానం మహాధ్యాన పరాయణమ్ | మహాపాపహరం దేవం మకారాయ నమో నమః ||౩||
శివం శాన్తం జగన్నాథం లోకానుగ్రహకారకమ్ | శివమేకపదం నిత్యం శికారాయ నమో నమః ||4||
వాహనం వృషభో యస్య వాసుకిః కణ్ఠభూషణమ్ | వామే శక్తిధరం దేవం వకారాయ నమో నమః ||5||
యత్ర యత్ర స్థితో దేవః సర్వవ్యాపీ మహేశ్వరః | యో గురుః సర్వదేవానాం యకారాయ నమో నమః ||6||
షడక్షరమిదం స్తోత్రం యః పఠేచ్ఛివసన్నిధౌ | శివలోకమవాప్నోతి శివేన సహ మోదతే ||7||
ఇతి శ్రీరుద్రయామలే ఉమామహేశ్వరసంవాదే శివషడక్షరస్తోత్రం సంపూర్ణమ్ ||
No comments:
Post a Comment