శ్రీబాలాత్రిపురసుందరీస్తోత్రం (Sree Balatripura Sundari Strotram in telugu)- RudraYamala

  .. శ్రీ బాలాత్రిపురసుందర్యై నమః ..

       .. పూర్వపీఠికా ..

శ్రీ భైరవ ఉవాచ  

అధునా దేవి ! బాలాయాః స్తోత్రం వక్ష్యామి పార్వతి !  పంచమాంగం రహస్యం మే శ్రుత్వా గోప్యం ప్రయత్నతః ..

       .. వినియోగ ..

ఓం అస్య శ్రీబాలాత్రిపురసుందరీస్తోత్రమంత్రస్య శ్రీ దక్షిణామూర్తిః ఋషిః, పంక్తిశ్ఛందః,

శ్రీబాలాత్రిపురసుందరీ దేవతా, ఐం బీజం, సౌః శక్తిః, క్లీం కిలకం, శ్రీబాలాప్రీతయే పాఠే వినియోగః .

       .. ఋష్యాది న్యాస ..

ఓం శ్రీ దక్షిణామూర్తిఋషయే నమః - శిరసి .

ఓం శ్రీ పంక్తిశ్ఛందసే నమః - ముఖే .

ఓం శ్రీబాలాత్రిపురసుందరీ దేవతాయై నమః - హృది .

ఓం ఐం బీజాయ నమః - నాభౌ .

ఓం సౌః శక్తయే నమః - గుహ్యే .

ఓం క్లీం కీలకాయ నమః - పాదయోః .

ఓం శ్రీబాలాప్రీతయే పాఠే వినియోగాయ నమః - సర్వాంగే .

       అథ కరన్యాసః ..

ఓం ఐం అంగుష్ఠాభ్యాం నమః .

ఓం క్లీం తర్జనీభ్యాం నమః .

ఓం సౌః మధ్యమాభ్యాం నమః .

ఓం ఐం అనామికాభ్యాం నమః .

ఓం క్లీం కనిష్ఠికాభ్యాం నమః .

ఓం సౌః కరతలకరపృష్ఠాభ్యాం నమః .

       అథాంగన్యాసః .

ఓం ఐం హృదయాయ నమః .

ఓం క్లీం శిరసే స్వాహా .

ఓం సౌః శిఖాయై వౌషట్ .

ఓం ఐం కవచాయ హుం .

ఓం క్లీం నేత్రత్రయాయ వౌషతట్ .

ఓం సౌః అస్త్రాయ ఫట్ .

       అథ ధ్యానం .

అరుణకిరణజాలై రంజితాశావకాశా .

విధృతజపవటీకా పుస్తకాభీతిహస్తా .

ఇతరకరవరాఢ్యా ఫుల్లకహ్లారసంస్థా .

నివసతు హృది బాలా నిత్యకల్యాణరూపా ..

       .. మానస పూజన ..

ఓం లం పృథివీతత్త్వాత్మకం గంధం శ్రీబాలాత్రిపురాప్రీతయే సమర్పయామి నమః .

ఓం హం ఆకాశతత్త్వాత్మకం పుష్పం శ్రీబాలాత్రిపురాప్రీతయే సమర్పయామి నమః .

ఓం యం వాయుతత్త్వాత్మకం ధూపం శ్రీబాలాత్రిపురాప్రీతయే ఘ్రాపయామి నమః .

ఓం రం అగ్నితత్త్వాత్మకం దీపం శ్రీబాలాత్రిపురాప్రీతయే దర్శయామి నమః .

ఓం వం జలతత్త్వాత్మకం నైవేద్యం శ్రీబాలాత్రిపురాప్రీతయే నివేదయామి నమః .

ఓం సం సర్వతత్త్వాత్మకం తాంబూలం శ్రీబాలాత్రిపురాప్రీతయే సమర్పయామి నమః .

       .. మూల శ్రీబాలాస్తోత్రం ..

వాణీం జపేద్ యస్త్రిపురే ! భవాన్యా బీజం నిశీథే జడభావలీనః .

భవేత స గీర్వాణగురోర్గరీయాన్ గిరీశపత్ని ప్రభుతాది తస్య .. 1..  var  ప్రభయార్ది తస్య

కామేశ్వరి ! త్ర్యక్షరీ కామరాజం జపేద్ దినాంతే తవ మంత్రరాజం .  var జపేద్ రతాంతే

రంభాఽపి జృంభారిసభాం విహాయ భూమౌ భజేత్ తం కులదీక్షితం చ .. 2..

తార్తీయకం బీజమిదం జపేద్ యస్త్రైలోక్యమాతస్త్రిపురే ! పురస్తాత్ .

విధాయ లీలాం భువనే తథాంతే నిరామయం బ్రహ్మపదం ప్రయాతి .. 3..

ధరాసద్మత్రివృత్తాష్టపత్రషట్కోణనాగరే .

విందుపీఠేఽర్చయేద్ బాలాం యోఽసౌ ప్రాంతే శివో భవేత్ .. 4..

       .. ఫలశ్రుతి ..

ఇతి మంత్రమయం స్తవం పఠేద్ యస్త్రిపురాయా నిశి వా నిశావసానే .

స భవేద్ భువి సార్వభౌమమౌలిస్త్రిదివే శక్రసమానశౌర్యలక్ష్మీః .. 1..

ఇతీదం దేవి ! బాలాయా స్తోత్రం మంత్రమయం పరం .

అదాతవ్యమభక్తేభ్యో గోపనీయం స్వయోనివత్ .. 2..

.. శ్రీరుద్రయామలే తంత్రే భైరవభైరవీసంవాదే

 శ్రీబాలాత్రిపురసుందరీస్తోత్రం .