🧘♂️శరీరాలు - కలలు🧘♀️
మనము, ఈ భౌతిక శరీరంతో పాటు మొత్తం ఏడు శరీరాల సముదాయం. ఇవి ఒకదాని లోపల మరొకటి ఒదిగి ఉంటాయి.
మనము, ఈ భౌతిక శరీరంతో పాటు మొత్తం ఏడు శరీరాల సముదాయం. ఇవి ఒకదాని లోపల మరొకటి ఒదిగి ఉంటాయి.
నిద్రావస్థలో సమగ్ర జ్ఞాన సముపార్జన కోసం వివిధ శరీరాలుచేసే క్రియలే 'కలలు'. మన దేహంలోని ఏడు శరీరాలు నిద్రావస్థలో కలలు కంటాయి. ఒక శరీరం యొక్క కల ముగిసిన తర్వాతే మరియొక శరీరం కల కంటుంది.
1. స్థూల శరీరం (Physical Body - అన్నమయ కోశం) :- భౌతిక శరీరము కనే కలలకి చైతన్య స్పృహ ఉంటుంది. ఇది మనకు సంబంధించింది అని స్పష్టంగా తెలుస్తుంది.
ఉదా : భౌతిక ప్రపంచానికి సంబంధించిన స్నేహితులు, సంఘటనలు, ప్రదేశాలు మొదలైనవి కలలుగా గోచరించడం.
2. కాంతిమయ శరీరం (Etheric Body - ప్రాణమయ కోశం) :-కాంతిమయ శరీరంతో కనే కలలు సుప్త చైతన్యంలో ఉంటాయి కనుక వెంటనే మర్చిపోతాము. ఇవి మనం బలవంతంగా అణచుకున్న కోరికలకు సంబంధించి ఉంటాయి. ఈ శరీరంతో మనం ఆ అనుభూతులను ఆస్వాదించవచ్చు.
ఉదా :- పెద్ద ఇళ్లల్లో జీవించడం, నగలు ధరించడం, అందమైన అమ్మాయిలతో రమించడం మొదలైనవి.
3. సూక్ష్మ శరీరం (Astral Body - మనోమయ కోశం) :- ఈ శరీరంతో కనే కలలు ఎంతో గుర్తుపెట్టుకుంటే కానీ గుర్తుండవు. ఈ శరీరం దూరాన్ని అధిగమించగలదు.
ఉదా :- ఏ ప్రదేశానికంటే ఆ ప్రదేశానికి అనుకున్న వెంటనే చేరగలగడం.
4. భావన శరీరం (Causal Body - విజ్ఞానమయ కోశం) :- ఈ శరీరం కనే కలలు పూర్వ జన్మలకు సంబంధించిన సంఘటనలు. ఉదాహరణకు ఏదైనా ప్రదేశాన్ని సందర్శించినచో అది అంతకు ముందే చూచినట్లు అనిపించడం.
5. కారణ శరీరం (Spiritual Body - ఆనందమయ కోశం) :- భవిష్యత్తులో జరిగే సంఘటనలు అన్నీ ఈ శరీరం ద్వారా కలలుగా గోచరించును.
ఉదా :- బంధు, మిత్రులలో ఎవరైనా చనిపోబోవుచున్నచో ముందే కలలుగా రావడం.
6. మహాకారణ శరీరం (Cosmic Body - విశ్వమయ కోశం) :- ఇచ్చట ప్రజ్ఞ ఒక్కటే పని చేస్తుంది. ఈ శరీరం విశ్వ విరాట్ మూర్తితో తాదాత్మ్యం చెందుతుంది. యావత్ సృష్టిని ఈ శరీరం దర్శిస్తుంది. యోగులు మాత్రమే ఈ దశను గుర్తించగలరు.
7. నిర్వాణమయ శరీరం (Nirvanic Body) :- ఈ దశలో కలలు, కల్పనలు ఉండవు. ఈ సమయం మొత్తం మహా శూన్యమే గోచరిస్తుంది. శూన్యం అయినా ఈ దశలోనే విశ్వప్రాణశక్తి పూర్ణంగా లభించును. దీనినే మనం గాఢనిద్ర అని పిలవవచ్చు.
_మనం నిద్రకు ఉపక్రమించినప్పుడు మొదటిగా భౌతికశరీరం యొక్క కలతో మొదలై వరుసగా నిర్వాణ శరీరం వరకు వెళ్ళి, తిరిగి నిర్వాణ శరీరం నుండి చివరగా భౌతిక శరీరం యొక్క కలతోనే నిద్ర ముగుస్తుంది. అందువల్లనే నిద్రను *'మహామాయ'అని పిలుస్తారు !_*
It's good 👍👍
ReplyDelete